गोरखा । गोरखा उद्योग बाणिज्य संघको विभिन्न पदमा भएको चुनावमा मतदान जारी रहेको छ । महासचिव, सचिव र कार्य समिति सदस्य पदमा भएको चुनावमा सहभागीहरुले सक्रियता पूर्वक भाग लिई रहेका छन् ।
बिहान ९ः३० बजेबाट गर्ने भनिएको मतदानमा प्राविधिक समस्या आए पछि १२ः३० बजेबाट मात्र मतदान सुचारु भएको थियो । मतदान गर्ने समय भने पटक पटक बढाएर अहिले साँझ ५ बजेसम्म पुरयाइएको छ ।
साँझ ५ बजेसम्म संघको मुख्य प्रवेशद्वार प्रवेश गर्नेहरुले मतदानमा सहभागी हुन पाउने प्रावधान गरिएको निर्वाचन अधिकृत स्थानेश्वर दुवाडीले जानकारी दिए । समाचार तयार पार्दासम्म ६०० भन्दा माथि मत खसी सकेको निर्वाचन अधिकृत दवाडीले जानकारी दिए ।
संघमा ६२० जना र जिल्लाको ८ ईकाइबाट ८ जनादेखी १५ जनासम्म सहभागी भएको संघले जनाएको छ ।
