गोरखा । गोरखा उद्योग बाणिज्य संघको अध्यक्षमा कृण्णकुमार श्रेष्ठ निर्विरोध निर्वाचित भएका छन् । अध्यक्ष पदका लागि अन्य उम्मेदवारले उम्मेदवारी नदिएका कारण श्रेष्ठ निर्विरोध निर्वाचित भएका हुन् ।
०४८ सालमा संघको साधारण सदस्यबाट प्रवेश गरेका श्रेष्ठले ०६१ सालमा आएर कार्य समिति सदस्य देखी सचिव, कोषाध्यक्ष, महा सचिव, द्वितिय उपाध्यक्ष हुदै वरिष्ठ उपाध्यक्ष भएका थिए ।
श्रेष्ठलाई पूर्व अध्यक्ष ईश्वरकाजी मास्के, शित्तलकाजी मास्के, अच्यूतलाल श्रेष्ठ र श्रवणकुमार जोशी तथा अहिलेका अध्यक्ष जिवनज्योती श्रेष्ठको समेत समर्थन रहेको थियो भने अर्को महासचिव सहित उम्मेदवारी दिएका रामहरी केसीको प्यानलको समेत सहयोग रहेको थियो ।
संघको पौष १० र ११ गते हुने ४६औं बार्षिक साधारण सभा र १६औं अधिवेशनको कार्यक्रम तय भएको छ ।
