गोरखा । गोरखाको बारपाक सुलिकोट गाउँपालिकाले तमुहरुको महान पर्व ल्होसारमा सार्वजनिक बिदा दिने निर्णय गरेको छ । पालिकाले आए एक सूचना जारी गर्दै ल्होसार पर्वमा सार्वजनिक बिदा दिने जनाएको हो ।
बारपाक सुलिकोट गाउँपालिकाद्वारा जारी सूचनामा ‘यस बारपाक सुलिकोट गाउँपालिकामा गुरुङहरु (तमुहरु) को बाहुल्यता (बसोबासीको गणात्मक संख्या) धेरै रहेकोले मिति २०७८ पौष १५ गते १ दिन’ बिदा दिने निर्णय भएको जनाएको छ ।
जारी सूचनामा ‘गाउँपालिका अन्तरर्गतका सबै वडा कार्यालयहरु, स्वास्थ्य चौकी÷स्वास्थ्य केन्द्र आयुवैदिक औषधालय, बिद्यालयहरु, बैंक तथा बित्तिय संस्थाहरु, पशुसेवा तथा कृषि सेवाका गाउँस्तरका ईकाइहरु समेत सार्वजनिक बिदा’ हुने भनिएको छ ।
गाउँपालिकाको ०७८ साल मंसिर २८ गते बसेको गाउँ कार्य पालिकाको निर्णय अनुसार पौष १५ गते १ दिन बिदा दिन लागिएको पालिकाका अध्यक्ष बिण्णु भट्टले जानकारी दिए ।
