गोरखाको खेलमैदानमा फागुन ७ गतेबाट
गोरखा । गोरखामा सर्वाधिक राशी भएको ‘गोरखकाली रनिङ कप’ को ७औं संकरण हुने भएको छ । हरमटारी क्लव गोरखाले फागुन ७ गतेदेखि ७औं गोरखकाली रनिङ कप गर्ने घोषणा गरेको हो ।
आयोजकले पत्रकार सम्मेलन गर्दै कोरोना महामारीका कारण २ बर्षसम्म फुटबल आयोजना गर्न नपाएको र यो बर्षदेखी खेललाई निरन्तरता दिने जानकारी दिए ।
खेलमा बिजयी हुने पहिलो टिमले २ लाख २२ हजार २२२ रुपैयाँ, उप बिजेताले १ लाख ११ हजार १११ रुपैयाँ र सेमिफाइनलमा पुग्ने २ टीमलाई जनही ५५ हजार रुपैयाँ नगद पुरस्कार दिने घोषणा गरेको छ ।
सदरमुकामको हरमटारी खेलकुद मैदानमा हुन ७औं गोरखकाली रनिङ कपमा स्वदेशी र विदेशी गरी १६ टिमको सहभागिता हुने आयोजकले जानकारी दिएको छ ।
प्रतियोगिता अवधिभर सर्वोकृष्ट खेलाडीलाई १५ हजार, सर्वोत्कृष्ट अग्रपक्तिलाई र सर्वोत्कृष्ट मध्यपक्ति, सर्वोत्कृष्ट गोलरक्षक, सर्वोत्कृष्ट गोलकर्तालाई ७ हजार ५०० दिने आयोजकले जनाएको छ । ७औं गोरखकाली रनिङ कप सम्पन्न गर्नका लागि करिब २६ लाख खर्च हुने अनुमान आयोजकले गरेको छ ।
फागुन ७ गतेबाट सुरु हुने उक्त प्रतियोगिता १४ सम्म चल्नेछ ।