गोरखा । गोरखा जिल्लामा १ बर्षमा मानव अधिकारका ३२ घटना घटेको इन्सेक गोरखाले जनाएको छ । जिल्ला सदरमुकाममा समिक्षा कार्यक्रम आयोजना गर्दै इन्सेकले अंग्रेजी बर्षको सन २०२१ मा मात्रे मानव अधिकारका ३२ घटना घटेको प्रतिवेदन सार्वजनिक गरिएको हो ।
समिक्षा कार्यक्रममा इन्सेक प्रतिनिधी हरिराम उप्रेतिले सन २०२१ जनवरीदेखी जुनसम्म विभिन्न २३ घटना घटेको र पछिल्लो ६ महिना अर्थात जुलाईदेखी डिसेम्बरसम्म ९ घटना घटेको प्रतिवेदन सार्वजनिक गरेको हो ।
सबै प्रतिवेदन इन्सेकले निकाल्ने सन २०२२ मा प्रकाशन हुने इन्सेक बर्ष पुस्तकमा समेटिने गोरखा प्रतिनिधी उप्रेतीले जानकारी दिए ।
इन्सेकले सार्वजनिक गरेको प्रतिवेदन अनुसार अघिल्लो ६ महिनामा मानव अधिकार उल्लंघन तथा ज्यादतीका घटनाहरु मध्ये बालिका माथि बलात्कारका घटना बढी भएको प्रतिवेदनमा उल्लेख छ । इन्सेक गोरखाले सार्वजनिक गरेको प्रतिवेदनमा ६ महिना २० वटा मानव अधिकार उल्लंघन तथा ज्यादतीका घटनाहरु भएकोमा १९ वटा घटना बलात्कार तथा बलात्कार प्रयासका घटना भएको उल्लेख छन् ।
बालत्कारमा पर्नेहरु मध्ये पनि अधिकाशं १६ बर्ष मुनिका बालिकाहरु परेका छन् । सार्वजनिक प्रतिवेदन अनुसार १४ बर्षकी ५ जना, १६ बर्षकी १ जना, १५ बर्षकी ३ जना, १३ बर्षकी २ जना, ७ बर्षकी १ जना, १२ बर्षकी १ जना र ४ बर्षकी १ जना बालिका माथि बलात्कार, बलात्कार प्रयास तथा यौनदुब्यहारको घटना भएको थियो ।
त्यस्तै गरी जिल्लामा २० बर्ष माथिका ५ वटा बलात्कार तथा बलात्कार प्रयासका घटना भएको छ । २२ बषर्की २ जना युवती, २६ बर्षकी एक महिला तथा ५७ र ५३ बर्षकी र्२ जना महिला माथि पनि बलात्कारको तथा बलात्कार प्रयासका घटना भएको र जातिय बिभेदको १ घटना भएको इन्सेक गोरखाले सार्वजनिक गरेको प्रतिवेदनमा उल्लेख गरिएको थियो ।
पछिल्लो ६ महिनाको आज सार्वजनिक गरिएको प्रतिवेदनमा पनि बाल बालिका माथि बलात्कारका घटना बढी भएको देखिएको छ । सार्वजनिक गरिएको प्रतिवदेन अनुसार ५ देखी १७ बर्ष उमेर समूहका ७ जना बालबालिका बालात्कृत भएको प्रतिवेदनमा समावेश गरिएको छ ।
आजै सार्वजनिक गरिएको प्रतिवदेन अनुसार महिला बिरुद्व हुने सबै प्रकारका हिंसा तथा दुब्र्यवहार अन्तरर्गत बलात्कार, बलात्कार प्रयास र यौन दुब्र्यवहारका २ घटना भएको देखिन्छ ।
जस अन्तरर्गत एउटा ३२ बर्षिया महिला र अर्की २५ बर्षिया सुस्त मनस्थिती भएकी महिला शिकार भएकी थिईन । समिक्षा कार्यक्रम जिल्ला प्रहरी कार्यालय गाेरखामा प्रहरी नायव उपरिक्षक प्रकाश दाहालकाे प्रमुख आतिथ्यता र मानव अधिकार सञ्जालका जिल्ला अध्यक्ष यदु अधिकारीको अध्यक्षतामा सम्पन्न भएको थियो ।
