गोरखा । मानव सेवा आश्रमले गोरखा बजार क्षेत्रबाट अनाथ बनेका बालकको उद्वार गरेको छ । आश्रमले गोरखा नगरपालिका ५ को रातमाटे भन्ने स्थानबाट बुवा आमा कोही पनि नभएको अवस्थाको बालकको उद्वार गरेको हो ।
गोरखा नगरपालिकाका मेयर राजनराज पन्त सहितको सहभागीतामा ४ बर्षका बालकलाई मंगलबार साँझ उद्वार गरी मानव सेवा आश्रममा ल्याईएको मुना तामाङले जानकारी दिईन ।
आश्रमले दिएको जानकारी अनुसार बुवा बिगत ३ बर्षदेखी कास्कीको कारागारमा रहेको र आमा १ बर्ष अगाडी बच्चालाई छाडेर पाइल गएपछि बालक साहारा बिहिन भएका थिए ।
बालक उद्वारमा जिल्ला प्रहरी कार्यालय गोरखाका प्रहरी नायव उपरिक्षक प्रकाश दाहालको पनि सहभागीता रहेको आश्रमले जनाएको छ ।
मामा घरमा आश्रय लिदै आएका ति बालकलाई छिमेकी ध्रुव थापाले सहयोग गर्दै आएका थिए ।