बिराटनगर । गोरखाका १ जना युवकलाई ठगीको आरोपमा मोरङ प्रहरीले पक्राउ गरेको छ । सहिद लखन गाउँपालिका २ घर भएका गणेशराज अर्याललाई ठगी गरेको आरोपमा प्रहरीले पक्राउ गरेको जनाएको हो ।
युवाहरुलाई जागिर लगाईदिने आश्वासन दिँदै रकम असुलेको आरोपमा अर्याललाई विराटनगर महानगरपालिका १० स्थित बसपार्कबाट पक्राउ गरिएको मोरङ प्रहरीले जानकारी दिएको छ ।
उनले उदयपुरको त्रियुगा नगरपालिका ८ का उमेशकुमार दनुवार र प्रेमकुमार दनुवारलाई जागिर लगाइदिने आश्वासन दिँदै पटकपटक रकम लिएको भन्दै प्रहरी कार्यालयमा उजुरी परे पछी पक्राउ गरएिको हो ।
पीडितको उजुरीका आधारमा अर्याललाई पक्राउ गरिएको प्रदेश प्रहरी प्रवक्ता एसपी नवीनराज राईले जानकारी दिए ।
उनले दनुवारद्वयबाट १ लाख ७३ हजार रकम ठगी गरेको उजुरी परेको छ । उनले अन्य युवालाई पनि यसरी ठगेको हुनसक्ने अनुमान प्रहरीले गरेको छ ।
मोरङ प्रहरीको नियन्त्रणमा रहेका अर्याललाइ जिल्ला अदालतबाट म्याद थप गरेर अनुसन्धान अघि बढाइएको छ । अर्यालमाथि ठगी मुद्धामा कारबाही गर्ने गरी प्रक्रिया अघि बढाइएको एपसी राईले जानकारी दिए ।
