गोरखा । गोरखा प्रहरीले बिभिन्न मुद्धामा फरार ५ जना अभियुत्तलाई पक्राउ गरेको छ । गोरखा जिल्ला अदालतमा विभिन्न मुद्वामा फैसला भई फरार रहेका मध्ये ५ जनालाई नियन्त्रणमा लिन सफल भएको जनाएको हो ।
फक्राउ परेकाहरुमा बुहविवाह मुद्दामा फरार भएका पालुङटार नगरपालिका ४ घर भएका जीवन बसेल, सवारी ज्यान मुद्दामा कैद सजाय पाएका शहिद लखन गाउँपालिका ३ का अमित नेपाली सहित ५ जनालाई गोरखा प्रहरीले पक्राउ गर्न सफल भएको हो ।
पक्राउ परेका दुवैलाई गोरखा जिल्ला अदालतमा बुझाईएकोमा अदालतले कैद भूक्तानकालागी गोरखा कारागार चलान गरिएको जिल्ला प्रहरी कार्यालय गोरखाका प्रहरी नायव उपरिक्ष एवं सूचना अधिकारी प्रकाश दाहालले जानकारी दिए ।
अदालतले बसेललाई ११ महिना ८ दिन जेल सजायको फैसला सुनाएको थियो भने नेपालीलाई ५ महिना ४ दिन कैद सजाएको फैसला गरेको थियो ।
त्यस्तै सवारी ज्यान मुद्धामा कैद सजाय पाएका गोरखा नगरपालिका ४ का सकुबुल मिया र गण्डकी गाउँपालिका २ का होमबहादुर थापा मगरलाई पनि प्रहरीले पक्राउ गरी कैद सजाय भुक्तानका लागी गोरखा अदालतमा बुझाएकोमा उनीहरुलाई पनि गोरखा कारागार चलान गरेको हो ।
उता चोरीको घटनामा संलग्न भइ कैद सजाय पाएका गोरखा नगरपालिका १२ का दिपक कुमाललाई पनि प्रहरीले पक्राउ गरी गोरखा जिल्ला अदालत बुझाएकोमा कैद भूक्तानकालागी अदालतले गोरखा कारागार पठाएको गोरखा प्रहरीले जनाएको छ ।
फैसला कार्यान्वयन गर्ने अभियान अन्तरर्गत गोरखा प्रहरीले जिल्ला अदातल तथा अन्य न्यायिक तथा अर्ध न्यायिक निर्णयले गरेका फैसला कार्यान्वयनका लागि बिभिन्न मुद्दामा कैद सजाय तथा जरिवाना तोकि फरार भएकाहरुको खोजी कार्यलाई तिव्र पार्दै लगेको प्रहरीले जनाएको छ ।
