गोरखा । नेपाली काँग्रेसको १४औं महाधिवेशनमा गोरखा जिल्लाका विभिन्न स्तरका नेताहरुले उम्मेदवारी दर्ता गराएका छन् । महाधिवेशनमा सभापति, महामन्त्री र सदस्यमा उम्मेदवारी परेको हो ।
सभापतिमा गोरखाका युवा नेता युवराज न्यौपानेले उम्मेदवारी दर्ता गराएका छन् । आरुघाट गाउँपालिका ८ आरुपोखरी घर भएका युवा तथा ब्यवसायी न्यौपानेले नेपाली काँग्रेस आमुल परिवर्तन आवश्यक भएको भन्दै उम्मेदवारी दर्ता गराएका हुन् ।
त्यस्तै गरी पूर्व मन्त्री समेत रहेकी कमला पन्तले पनि उम्मेदवारी दर्ता गराएकी छिन् । उनले शेखर कोइरालाको प्यानलमा सह महामन्त्रीमा उम्मेदवारी दर्ता गराएका हुन् ।
उता देउवाका नजिकका केन्द्रिय सदस्य सुरेन्द्र पाण्डेले पनि केन्द्रिय सदस्यमा उम्मेदवारी दर्ता गराएका छन् । पाण्डे संगै चिनकाजी श्रेष्ठले पनि सदस्यमा उम्मेदवारी दर्ता गराएको नेपाली काँग्रेस गोरखाका सचिव किशोरजंङ थापाले जानकारी दिए ।
त्यस्तै गरी नेपाल मुस्लिम संघका केन्द्रिय सदस्य अब्दुल सतार, नेपाली काँग्रेस गोरखाका निर्वतमान सभापति हरीबहादुर घले, पालुङटार नगरपालिकाका प्रमुख ईन्जिनियर दिपकबावु कड्ेल, गण्डकी प्रदेशका साँसद मनकुमारी गुरुङ, मोहनप्रकाश पोखरेल, युवा ब्यवसायी द्वय प्रेमकुमार खत्री र राजेन्द्र बजगाईले समेत केन्द्रिय सदस्यमा उम्मेदवारी दर्ता गराएका छन् ।
