गोरखा । लैङ्गिक हिंसा सम्वन्धी १६ दिने अभियान अन्तरर्गत गोरखाको बुंकोटमा अन्तरक्रिया कार्यक्रम सम्पन्न भएको छ ।

सामुदायिक सेवा केन्द्र गोरखा र जिल्ला प्रहरी कार्यालय गोरखाको आयोजनामा शहिद लखन गाउँपालिका ८ को बुंकोटमा अन्तरक्रिया कार्यक्रम सम्पन्न भएको हो ।

‘घरैबाट शुरु गरौं, महिला हिंसा अन्त गरौं’ भन्ने नारा दिईएको कार्यक्रममा शहिद लखन गाउँपालिका ७ का वडाध्यक्ष शरण श्रेष्ठले अन्तरक्रिया कार्यक्रमले समाजमा हुने लैङ्गिक हिंसाको बारेमा थप चेतना जगाउन सफल भएको बताए ।

कार्यक्रममा सहभागीहरुले समाजमा अहिले सबै भन्दा धेरै महिलाद्वारा पुरुष पिडीत हुने गरेको भन्दै बिद्यमान परिभाषा परिवर्तन गर्न र सोही अनुसार कानून निर्माणमा लाग्न पनि सरोकारवालाहरुलाई आग्रह गरेका थिए ।

शहिद लखन गाउँपालिका ७ को समन्वयमा भएको कार्यक्रममा जिल्ला प्रहरी कार्यालय गोरखामा प्रहरी निरिक्षक हिमनाथ घिमिरेले लैङ्गिको हिंसा के लाई भनिन्छ र कानूनी उपचार कसरी लिन सकिन्छ भन्ने बारेमा उपस्थित सबैलाई जानकारी गराएका थिए ।

लेखकबाट थप:

• सुन तोलामा ४३ सयले घट्याे
• साहित्य र चलचित्रका २ साधकलाई ‘दाहाल यज्ञनिधि पुरस्कार’
• असार मसान्तसम्म खपत भएको बिजुलीमा भ्याट नलाग्ने
• नेपाल राष्ट्र बैंकले मंगलबारकाे लागि निर्धारण गरेकाे विदेशी मुद्राको विनिमयदर
• आजकाे माैसम : बागमती, गण्डकी र कर्णालीमा भारी वर्षाको सम्भावना