पोखरा । नेपाली कांग्रेसको गण्डकी प्रदेश निर्वाचनको मत गणना जारी छ । खसेको कुल १ हजार १४६ मत मध्ये ८०० मत गन्दा सदस्य तर्फ महिलामा शोभा अधिकारी र पुरुषमा पूर्णबहादुर दाहाल अगाडी छन् ।
प्राप्त मत परिणाम अनुसार गोरखा जिल्लाको महिला सदस्य तर्फ शोभा अधिकारीले ४०७ मत ल्याएकी छिन भने मिना अधिकारीले ३१९ मत पाएकी छिन् ।
उता पुरुष तर्फ आरुघाट गाउँपालिकाका अध्यक्ष पूर्णबहादुर दाहाल ३८४ मतका साथ अगाडी छन् । उनको प्रतिद्वन्दी ध्रुवप्रसाद खनालले ३४३ मत ल्याएर दोस्रो स्थानमा छन् ।
गोरखाका अन्य उम्मेदवार मध्ये खस आर्य तर्फ खुल्लामा बिरबहादुर ढकाल अत्याधिक मतका साथ अगाडी छन् । उनले ४४५ मत पाएका छन् । उनका प्रतिद्वन्दी चोलेन्द्र पौडेलले ३९० मत पाएका छन् ।
त्यस्तै गरी सदस्य प्रत्यक्ष प्रदेश भित्रका सभाको कुल नि.क्षे.को १/३ खुल्ला तर्फ गोरखाका प्रकाशचन्द्र दवाडी दोस्रो स्थानमा छन् । उनलाई १ मतले कर्णबहादुर गुरुङले पछाडी पारेको छ ।
खस आर्यकै महिला तर्फ गोरखाका कमला लामिछाने पाँचौ स्थानमा छन् । प्राप्त मत परिणाम अनुसार गाेरखाका जानुका पन्त ४२३, देवी कार्की ३९३, बिण्णुमायाँ धिताल ३९० र पार्वती आयार्य ३७४ मतका साथ अगाडी छन् । गोरखाका लामिछानेले भने ३६० मत पाएकी छिन् ।
यता आदीबासी जानजाती महिला तर्फ गोरखा नगरपालिकाका उपमेयर बिनाकुमारी श्रेष्ठ तेस्रो स्थानमा छिन । उनी संगै सोही पदकालागी लडेकी उर्मिला गुरुङले ४५२ मत पाएकी छिन् भने सरिता गुरुङले ४१५ मत ल्याएकी छिन् । श्रेष्ठले भने ३८८ मतका साथ तेस्रो स्थानमा छिन् ।
