गोरखा । गोरखा सदरमुकामको बिरेनचोक क्षेत्रमा आज दुर्घटना भएको छ । मोटरसाईकल र हायस एक आपसमा ठोकिदा मोटरसाईकलमा सवार २ जना घाईते भएका छन् ।
जिल्ला ट्राफिक प्रहरी कार्यालयले दिएको जानकारी अनुसार गोरखा बजार देखी आँबुखैरेनी तर्फ जादै गरेको ग. १३ प ६३९ नम्बरको मोटरसाईकल र आँबुखैरेनी देखी गोरखा बजार तर्फ आउदै गरेको बा. २ ख ८७९१ नम्बरको हायस एक आपसमा ठक्कर खाएको हो ।
दुर्घटनामा परी मोटरसाईकल चालक तनहुँ भानु नगरपालिका ६ का नरेश कार्की र उनका श्रीमती ज्योति कार्की घाईते भएका छन् ।
तिब्र गतिमा गएको मोटरसाईकल विपरीत दिशाबाट आएको हायसलाई ठक्कर दिन खोज्दा हायसले मोटरसाईकल जोगाउन खोज्दा पछाडीको भागमा हायसको क्षती भएको ट्राफिक प्रहरी कार्यालयले जनाएको छ । सो दुर्घटनामा हायसलाई जोगाउन खोज्दा टिप्परमा पनि सामान्य क्षति भएको छ ।
दुर्घटनामा परी घाईते भएका दुवै जना अहिले सामान्य उपचार पछि चितवन पठाईएको छ । दुवै जनाको सिटी स्क्यान गर्न चितवन पठाईएको हो ।
