गोरखा । नेपालकै पहिलो केबलकारमा सनिबार कोरोना महामारी पछी सर्वाधिक यात्रुहरुले यात्रा गरेका छन् । मनकामना दर्शनका अनुसार हिजो सनिबार ७ हजार ९०५ जनाले केबलकारको यात्रा गरेको जनाएको छ ।
केबलकारका स्टेशन म्यानेजर उज्वल शेरचनका अनुसार कोरोना महामारी पछी सबै भन्दा धेरै यात्रुले यात्रा गरेको यो पहिलो पटक भएको जानकारी दिए । उनका अनुसार केही मानिसहरु पास समेत लिएर गएको कारण यो संख्या ८ हजार भन्दा माथि पुगेको बताए ।
केबलकार सामान्य अवस्थामा बिहान ८ बजेदेखी सुरु भएर साँझ ५ बजे बन्द हुने भएता पनि हिजो भने बिहान ६ बजेदेखी राती १०ः३० बजे सम्म सञ्चालनमा आएको स्टेशन म्यानेजर शेरचनले जानकारी दिए ।
लामो समय सम्म केबलकार र मनकामना मन्दिर बन्द हुदा भत्तजनहरुले भाकल गरेको पूजा गर्न नपाएको र सनिबार र अष्टमी एकै दिन परेको कारण पनि सनिबार धेरै मानिसको भिड भएको मनकामनाका मुल पूजारी ईन्सानबहादुर थापाले बताए ।
मनकामना मन्दिरमा हिजो गोरखाको देउराली हुदै नयाँ पुल भएर जाने देखी अबुवा, स्यालीबजार, १० किलो बजार, लक्ष्मीबजार र गोरखा बजार हुदै नामजुङ भएर सवारी साधनमा जानेहरुको संख्या पनि उल्लेखीय रहेको थियो ।
हिजो (कात्र्तिक ११ गते) १५ हजार भन्दा बढी भत्तजनहरुले मनकामना माताको दर्शन गरेको अनुमान गरिएको छ । केही चाडपर्वमा भने मनकामना माताको दर्शन गर्नेको संख्या २० हजार भन्दा माथिसम्म पुग्ने गर्दछ ।