गोरखा । गोरखाको शहिद लखन गाउँपालिकाले भोली सार्वजनिक बिदा दिएको छ ।
गाउँपालिकाले सूचना जारी गर्दै गुठी पञ्चमीको अबसरमा प्रसिद्ध धार्मिकस्थल मनकामना मन्दिरमा बिशेष मेला लाग्ने भएकाले बुधबार सार्वजनिक बिदा दिने निर्णय गरेको हो ।
गाउँपालिकाले हरेक बर्ष गुठी पञ्चमकीको अबसरमा पालिका भित्र सार्वजनिक बिदा दिदै आएको गाउँपालिकाका प्रमुख प्रसाकिय अधिकृत जीवन आलेमगरले जानकारी दिए ।
२०७४ साल फागुन ६ गतेको गाउँ कार्यपालिकाको बैठकले निर्णय गरेर हरेक बर्ष गुठी पञ्चमीको दिन सार्वजनिक बिदा दिने गरेको निर्णय गरेको हो ।
सार्वजनिक बिदाको दिन पालिका भित्र रहेका पालिका मातहतका सरकारी कार्यालय, शैक्षिकसंस्था लगायत बन्द हुने गाउँपालिकाले जनाएको छ ।
