गोरखा । गोरखा सदरमुकामा आज दिउसो भएको दुर्घटनामा परी तान्द्राङका १ जना यूवक गंभिर घाईते भएका छन् । गोरखा नगरपालिका १० को बिरेनचोकमा भएको दुर्घटनामा परी गोरखा तान्द्राङका २६ बर्षिय निरजन बराम गंभिर घाईते भएको गोरखा प्रहरीले जनाएको छ ।
गोरखाबाट आँबुखैरेनी तर्फ जादै गरेको ना. ५१ प ७०४३ नम्बरको २२० को पल्सर र खैरेनी देखी गोरखा बजार तर्फ आउदै गरेको ना. २४ प ९१०८ नम्बरको भिआर मोटर साईलक एक आपसमा ठक्कर खादा पल्सरमा सवार बराम गंभिर घाईते भएका हुन् ।
उनको गा्ेरखा अस्पतालमा सामान्य उपचार पछि थप उपचारको लागी भरतपुर मेडिकल कलेज लगिएको छ । घाईते बरामको दाँहिने खुट्टा भाँचिएको छ भने टाउको र शरिरका अन्य भागमा समेत चोट लागेको छ ।
बराम संगै सवार उनका ८ बर्षिय भान्जा रञ्जित बराम भने सामान्य घाईते भएको जिल्ला प्रहरी कार्यालय गोरखाका प्रहरी नायव उपरिक्षक एवं सूचना अधिकारी प्रकाश दाहालले जानकारी दिए ।
भिरआरमा सवार गोरखा नगरपालिका १० का २३ बर्षिय आकाश कुमाल भने सामान्य घाईते भएका छन् । कुमालले विपरीत दिशाबाट आएको बरामको मोटरसाइकललाई ठक्कर दिएको स्थानियले बताए ।
कुमालको गोरखा अस्पतालमा प्रहरीको निगरानीमा उपचार भईरहेको छ । अस्पतालले डिस्चार्ज गर्नासाथ उनलाई जिल्ला प्रहरी कार्यालय ल्याउने सुचना अधिकारी दाहालले बताए ।
