गोरखा । गोरखामा आज साँझ ट्याक्टरले च्यापेर १ जना पुरुषको ज्यान गएको छ । गण्डकी गाउँपालिका ३ को स्थित तिवारी गाँउमा भएको दुर्घटनामा परी सोही ठाउँका ५५ बर्षका प्रेमप्रसाद देवकोटाको मृत्यु भएको जिल्ला ट्राफिक प्रहरी कार्यालय गोरखाले जनाएको छ ।
फुजेलको आमडाँडाबाट बेनीघाट तर्फ जाँदै गरेको ग. १ त ४५८८ नम्बरको ट्याक्टरमा सवार देवकोटा अचानक सन्तुलन गुमाएर खस्दा सोही ट्याक्टरको विचको टायरले च्यापीदा घटना स्थलमा नै ज्यान गएको गोरखा जिल्ला ट्राफिक प्रमुख प्रेमप्रसाद पोखरेलले जानकारी दिए । ।
देवकोटाको टाउकोमा चक्काले च्यापिएर घटनास्थलमै मृत्यु भएको हो ।
तिहारका लागी मासु लिएर ट्याक्टर चढेर घर तर्फ फर्कदै गर्दा देवकोटा दुर्घटनामा परी ज्यान गएको हो ।
घटनालगत्तै ट्याक्टरका चालक ट्याक्टर फरार भएको र उनको प्रहरीले ब्यापक रुपमा खोजी गरी रहेको जिल्ला प्रहरी कार्यालय गोरखाले जनाएको छ ।
