गोरखा । नेकपा माओबादी केन्द्र निकट एकिकृत अखिल नेपाल शिक्षक संगठन गोरखाको अध्यक्षमा बाबुराम बिक सर्वसम्मत चयन भएका छन् ।
गोरखा सदरमुकाममा भएको दोस्रो जिल्ला परिषद्को बैठकले बिकको अध्यक्षतमा ३९ सदस्सीय जिल्ला समन्वय समिति समेत गठन गरेको छ ।
संगठनको बरिष्ठ उपाध्यक्षमा गोपाल मरहट्टा, उपाध्यक्षमा गणेश सेढाई, तेजबहादुर नेपाली, उत्तम बराम, महिला उपाध्यक्षमा देवकी भट्टराई, सचिवमा शिवकुमार यादव, अर्थ सचिवमा मीनबहादुर नेपाली चयन भएको सगठनले जनाएको छ ।
त्यस्तै गरी संगठनको सह सचिवमा नेत्रलाल श्रेष्ठ, सुनिल अग्गाई र कृष्णप्रसाद न्यौपाने चयन भएका छन् । कार्यक्रमको नेकपा माओबादी केन्द्रका केन्द्रीय सदस्य तथा गोरखा क्षेत्र नम्बर १ का प्रतिनिधि सभाका सांसद हरिराज अधिकारीले उद्घाटन उद्घाटन गर्दै शिक्षकहरु समाजको ऐना भएकाले समाजलाई अग्रगमनको दिशामा हिडाउन अहम भूमिका निर्वाह गनुपर्नेमा जोड दिए ।
कार्यक्रममा नेकपा माओबादी केन्द्रका जिल्ला समन्वय समितिका इन्चार्ज कृष्ण धिताल, अध्यक्ष लेखबहादुर थापा लगायतको सहभागिता रहेको संगठनले जानकारी दिएको छ ।
