गोरखा । गोरखा सदरमुकाममा लियो क्लबको ३२५ वि १ को जिल्ला परिषद बैठक सुरु भएको छ । लियो क्लब अफ गोरखालको आयोजनामा देशैभरका ११९ वटा क्लबका प्रतिनिधीहरु सहभागी भएका छन् ।
स्थापनाको ३३औं बर्ष प्रवेशको अवशर पारेर क्लबले पुनः गोरखामा परिषदको आयोजना गरेको हो । शुक्रबार र सनिबार भएको लियो जिल्ला परिषदमा ३२५ वि १ भित्रका राम्रा क्लबलाई पुरस्कार वितरण कार्यक्र समेत राखिएको जिल्ला अध्यक्ष सुमन श्रेष्ठले बताए ।
गोरखामा लियो क्लब अफ गोरखाले स्थापना देखी यो तेस्रो पटक जिल्ला परिषद बैठक आयोजना गरेको लियो क्लब अफ गोरखाले जनाएको छ ।
सम्मेलनमा देशैभरका ११९ भन्दा बढी क्लबका अध्यक्ष, उपाध्यक्ष, सचिव र कोषाध्यक्षहरुको सहभागीता गरेको छ ।
सम्मेलनमा सहभागीहरुले आउदो १ बर्षमा क्लबले गर्ने कामका बिषयमा छलफल हुने जनाएको छ ।
क्लबले गोरखाको पर्यटकीय स्थलहरु गोरखकाली मन्दिर, मनकामना मन्दिर, लिगलिगकोट, भिमसेन पार्क, पश्चिमकाली मन्दिर, मनास्लु हिमाल, चुमभ्याली तथा जिल्ला भित्रको विभिन्न पर्यटकीय क्षेत्रको पहिचान खुल्ने गरी कार्यक्रम स्थलमा ठुला ब्यानरहरु समेत राखेर गोरखाको पर्यटनको बारेमा सहभागीहरुलाई जानकारी गराएको छ ।
क्लबले आजै बिहान गोरखा सदरमुकामको खेलकुद मैदान देखी लोकतान्त्रिक चोक, कालिमाटी बजार, शत्तिचोक, पुरानो बसपार्क, पदेली, पुरानो बजार हुदै बाजागाजा सहित परिक्रमा गरेको थियो ।