गोरखा । गोरखा जिल्लामा राष्ट्रिय जनगणनाको पहिलो चरणको काम सम्पन्न भएको छ । जिल्लामा ११ वटै स्थानीय तहमा यही भाद्र ३० गतेदेखि असोज १८ गतेसम्म घरपरिवार सूचीकरण काम सम्पन्न भएको तथ्याङ कार्यालय गोरखाका महेशप्रसाद ढुङगानाले जानकारी दिए ।
जिल्लामा घर परिवार सूचीकरणका लागि ९८ जना सुपरीबेक्षक खटिएको र तिनीहरुले जिल्ला भित्र कृषिको लगत, घर परिवार सूचीकरण, सरकारी अनुदानमा घर निर्माण भए नभएको, प्रबिधिक शिक्षा लिए नलिएको, बैंङ संग ऋण लिए नलिएको बारेमा तथ्याङक संकलन गरेको तथ्यांक कार्यालय गोरखाले जनाएको छ ।
कार्यालयले निकालेको प्रारम्भिक तथ्याङ अनुसार जिल्लामा ८५ हजार ४७७ घर रहेको त्यस मध्ये ६६ हजार २९१ घरमा मानिस बसेको पाइएको कार्यालयले जानकारी दिएको छ ।
जिल्लामा परिवारको संख्या करिब ७१ हजार रहेको प्रारम्भिक तथ्याङकमा फेला परेको पनि कार्यालयले जानकारी दिएको छ ।
जनगणना अन्तरर्गत मुख्य गणना यही कात्तिक १३ गतेदेखि १६ गतेसम्म हुने छ । जसका लागी कार्यालयले ४०२ जना गणकलाई नियुत्ती दिएर अभिमुखीकरण तालिम प्रदान गर्न लागेको तथ्यांक अधिकृत ढुङगानाले जानकारी दिए ।
तालिम सम्पन्न गरेका गणकहरु यही कात्तिक २५ गतेदेखि मंसिर ९ गतेसम्म जनगणनाका लागि जिल्लाको ११ वटै स्थानीय तहमा खटिनेछन् । जिल्ला भित्र ५ वटा केन्द्र निर्माण गरेर जनगणना हुने छ ।
जस अन्तरर्गत गोरखा नगरपालिका केन्द्रबाट गोरखा नगरपालिका र भिमसेन थापा गाउँपालिका, आरुघाट केन्द्रबाट आरुघाट गाउँपालिका र चुमनुव्री गाउँपालिका र धार्चे गाउँपालिका, अजिरकोट केन्द्रबाट अजिरकोट गाउँपालिका र बारपाक सुलिकोट गाउँपालिकाको गणना हुने भएको छ ।
त्यस्तै गरी पालुङटार केन्द्रबाट पालुङ नगरपालिका र सिरानचोक गाउँपालिका तथा सहिद लखन केन्द्रबाट सहिद लखन गाउँपालिका र गण्डकी गाउँपालिका भित्रको जनगणना हुने कार्यालय जनाएको छ ।
‘मेरो गणना, मेरो सहभागिता’ भन्ने मूल नारा सहित जनगणनामा खटिने कर्मचारीहरुलाई सहयोग गरी सही तथ्यांक उपलब्ध गराई दिन र कार्यक्रममा सहभागि हुनका लागि प्रमुख ढुङगानाले सवै गोरखबासीलाई अपिल समेत गरेका छन् ।
