गोरखा । गोरखाको लुदीखोला क्षेत्रमा लुकाई राखिएको कटान गरिएको सालको काठ प्रहरीले बरामद गरेको छ ।
गोरखा नगरपालिका ९ स्थित लुदीखोला क्षेत्रमा कटान गरी लुकाएर राखिएको सालको काठ गोरखा प्रहरीले बरामत गरेको हो ।
पुन्चे सामुदायिक बनबाट तस्करीका लागि लुकाएर राखिएको १२ थान सालको गोलिया काठ बरामत गरेको जिल्ला प्रहरी कार्यालय गोरखाका प्रहरी नायव उपरीक्षक एवं सूचना अधिकारी प्रकाश दाहालले जानकारी दिए ।
स्थानीय व्यक्तिले उत्त बनक्षेत्रबाट सालको काठ तस्करी भइरहेको सूचना दिए लगत्तै जिल्ला प्रहरी कार्यालय गोरखा र अस्थायी प्रहरी पोष्ट लक्ष्मी बजारबाट गएको प्रहरीको टोली झाडीमा लुकाई छिपाई राखेको अबस्थामा सालको काठ फेला पारेको गोरखा प्रहरीले जानकारी दिएको छ ।
बरामद गरेको काठ सोमबार नै डिभिजन बन कार्यालय गोरखामा बुझाइएको छ । काठ ओसारपसार गर्ने व्यक्तिको खोजी भई रहेको प्रहरीले जनाएको छ ।
घटनाको सम्बन्धमा सुश्म अनुसन्धान भईरहेकोले केही दिन भित्रै तस्करीमा संलग्नहरुको पहिचान हुने गोरखा प्रहरीले जनाएको छ ।
गोरखाको सामुदायिक बनबाट सालको गोलीहरु तस्किारी गर्न ठुलै गिरोह लागेको प्रहरीको अनुमान छ ।
