गोरखा । गोरखाको आरुघाट गाउँपालिकाको माझगाउँमा मिनी ट्रक दुर्घटना भएको छ । दुर्घटनामा परी चालकको ज्यान गएको छ भने अन्य २ जना घाईते भएका छन् ।
बुधबार राती ११ः०० बजे आरुघाट गाउँपालिका १ को माझगाउँमा भएको दुर्घटनामा परी धादिङ गंगाजमुना गाउँपालिका ७ घर भएका ३३ बर्षिय चालक मनोज श्रेष्ठको मृत्यु भएको हो ।
आरुघाट बजार देखी धुन्चेत तर्फ जादै गरेको बा. ५ ख १२३१ नम्बरको मिनीट्रक माझगाउँमा अनियन्त्रीत भएर दुर्घटना हुदा चालक सहित ट्रकमा सवार ३ जना घाईते भएको र चालक श्रेष्ठको आरुघाट स्वास्थ्य चौकीमा उपचारको क्रममा बिहीबार बिहान ५ः४५ बजे ज्यान गएको स्वास्थ्य चौकीले जनाएको छ ।
सोही ट्रकमा सवार आरुघाट गाउँपालिका १ का ३५ बर्षिय राजकुमार गुरुङ र ३ बर्षिया बालिका दिब्या गुरुङ घाईते भएका छन् । उनीहरुको पनि आरुघाट स्वास्थ्य चौकीमा उपचार भई रहेको छ ।
उपचाररत बालिका दिब्या गुरुङ गंभिर घाईते भएका कारण थप उपचारका लागी बाहिरी जिल्ला पठाउने तयारी भई रहेको स्वास्थ्य चौकीले जनाएको छ ।
दुर्घटना लगत्तै उद्वार कार्य भएको भएता पनि बर्षाका कारण बिहीबार बिहान ५ः३० बजे मात्र घाईतेहरुको उपचारको लागी आरुघाट स्वास्थ्य चौकी ल्याएईको थियो ।
मिनीट्रक सडकबाट १५० मिटर तल खसेकाे एक स्थानियले जानकारी दिए । दुर्घटनाको थप विवरण भने आउन बाँकी रहेको जिल्ला प्रहरी कार्यालय गोरखाले जनाएको छ ।