गोरखा । गोरखाको गण्डकी गाउँपालिका ८ को कुनागाउँमा आज बलेरो जीप दुर्घटना हुदा घाइते हुनेहरुको नाम सनाखत भएकाे छ ।
फुजेलबाट बेनिघाट तर्फ जाँदै गरेको ना. ४ च ७७३८ नम्बरको जीप दुर्घटनामा घाइते मध्ये २ जनाको अबस्था गम्भीर रहेको गोृरखा प्रहरीले जनाएको छ ।
गम्भीर घाइते हुनेहरुमा गण्डकी गाउँपालिका ५ दर्बुङकी २१ बर्षकी प्रतिमा पोखरेल र ४४ बर्षकी सुस्मा श्रेष्ठ रहको गोरखा प्रहरीले जानकारी दिएको हो । उनीहरु दुबैको मलेखुको साुमदायिक अस्पतालमा प्राथामिक उपचारपछि थप उपचारका लागि काठमाण्डौको ट्रमा सेन्टर पठाइएको छ ।
अर्का घाइते गण्डकी गाउँपालिका ४ फुजेलका बर्ष २० का सुनिल थापालाई पनि थप उपचारका लागि काठमाण्डौ पठाइएको मलेखु सामुदायिक अस्पतालले जानकारी दिएको छ ।
अन्य घाइतेहरुमा गण्डकी गाउँपालिका ४ फुजेलका १८ बर्षका विवेक सिंखडा, ९ बर्षकी जेनिसा श्रेष्ठ र धादिङ जिल्ला ज्वालमुखी गाउँपालिका १ घर भएका २२ बर्षकी सुस्मिता कोइराला रहको गोरखा प्रहरीले जनाएको छ । उनीहरुको अबस्था भने सामान्य रहेको छ ।
जीप ब्रेक फेल भएर दुर्घटना भएको चालक धनबहादुर थापाले बताए । चालक थापालाई प्रहरीले नियन्त्रणमा थप अनुसन्धान भई रहेको गोरखा प्रहरीले जनाएको छ ।
जीपमा १५ जना यात्रु सवार थिए ।