गोरखा । नेकपा माओबादी केन्द्र गोरखाले जिल्लाका बिभिन्न स्थानीय तहका पार्टी निर्वाचन समितिका संयोजक तथा सदस्यहरुका लागि अभिमुखीकरण कार्यक्रम सम्पन्न भएको छ ।

पार्टी कार्यालय पाटेचौरमा भएको अभिमुखीकरण कार्यक्रममा नेकपा माओबादी केन्द्र गण्डकी प्रदेशको निर्वाचन समितिका संयोजक कमल ढकालले सहजीकरण गरेका थिए ।

माओबादी केन्द्रले पार्टीलाई थप व्यवस्थित गर्नका लागि वडादेखि नै निर्वाचन मार्फत नेतृत्व चयनका लागि निर्वाचन समिति गठन गरी अभिमुखीकरण कार्यक्रम सञ्चालन गदै आएको पार्टी कार्यालयले जनाएको छ ।

कार्यक्रममा पार्टी निर्वाचन समितिले तयार पारेको निर्वाचन सम्बन्धी कार्यबिधीको बारेमा सहभागीहरुलाई जानकारी गुराईएको जिल्ला संमन्वय समितिका अध्यक्ष लेखबहादुर थापाले बताए ।

सहभागीहरुलाई समानुपातिकता, समाबेशिता लगायतका बिषयका बारेमा प्रशिक्षण गराइएको थियो ।

कार्यक्रममा जिल्लाका ११ स्थानिय तहका निर्वाचन समितिका संयोजक एवम पदाधिकारीहरुको सहभागिता रहेको थियो ।

कार्यक्रममा पाटीका जिल्ला समन्वय समितिका इन्चार्ज कृष्ण, सह इन्चार्ज अमर तमु लगायतले निर्वाचन सफलता पूर्वक सम्पन्न गर्नका लागि समितिको भूमिका महत्वपूर्ण हुने बताएको सहभागीहरुले जानकारी दिए ।

लेखकबाट थप:

• सुन तोलामा ४३ सयले घट्याे
• साहित्य र चलचित्रका २ साधकलाई ‘दाहाल यज्ञनिधि पुरस्कार’
• असार मसान्तसम्म खपत भएको बिजुलीमा भ्याट नलाग्ने
• नेपाल राष्ट्र बैंकले मंगलबारकाे लागि निर्धारण गरेकाे विदेशी मुद्राको विनिमयदर
• आजकाे माैसम : बागमती, गण्डकी र कर्णालीमा भारी वर्षाको सम्भावना