गोरखा । बेनिघाट आरुघाट सडकखण्ड अन्र्तगत पर्ने गोरखाको गण्डकी गाउँपालिका ८ को मलेओडार भिरमा बलेरो जिप दुर्घटना हुदा १४ जना घाइते भएका छन् ।
बेनिघाटबाट धादिङको माँझीटार तर्फ जाँदै गरेको बा.२० च ४४०० नम्बरको बलेरो जिप अनियन्त्रित भई सडकबाट झण्डै ५० मिटर तल भिरमा खसेर दुर्घटना भएको जिल्ला प्रहरी कार्यालय गोरखाका प्रहरी नायव उपरीक्षक एवं सूचना अधिकारी प्रकाश दाहालले जानकारी दिए ।
घाइते मध्ये ३ जनाको अबस्था गम्भीर रहेको प्रहरीले जनाएको छ ।
दुर्घटनामा घाइते भएका मध्ये धादिङको ज्वालामुखी गाउँपालिका १ का, ४८ बर्षका सुब्बा माँझी, २८ बर्षका बलबहादुर कुमाल, २० बर्षकी संगिता माँझी, २१ बर्षका रमण कुमाल, गोरखाको गण्डकी गाउँपालिका ६ भुम्लिचोकका ५० बर्षका होमबहादुर कुमाल, ५० बर्षकी बिन्दु कुमाल र गण्डकी गाउँपालिका–८ की ३६ बर्षकी सञ्जु कुमाललाई थप उपचारका लागि चितवन मेडिकल कलेज भरतपुरमा पठाइएको छ ।
अन्य घाइेतहरु धादिङ ज्वालामुखी गाउँपालिका १ का चालक २२ बर्षका मनोज माँझी, ३४ बर्षका अर्जुन कुमाल, ९ बर्षका बिनोद कुमाल, २२ बर्षकी सरिता कुमाल, गोरखाको गण्डकी गाउँपालिका ६ भुम्लिचोकका १० बर्षका सन्दिप कुमाल, वडा नम्बर ४ का १४ बर्षका मदन कुमाल र भीमसेन थापा गाउँपालिका ७ बोर्लाङका ३० बर्षका उमेश कुमालको भने मलेखु सामुदायिक हस्पिटल धादिङमा उपचार भइरहेको प्रहरीले जानकारी दिएको छ ।
जिपका चालक २२ बर्षका माँझीको अबस्था सामान्य रहेको र उनको अहिले प्रहरीको निगरानीमा उपचार भइरहेको छ ।
