गोरखा । गोरखा जिल्ला अदालतले कुटपिट तथा अंगभंग मुद्वामा कैद तथा जरिवाना फैसला भएर फरार भएका अभियुत्तलाई गोरखा प्रहरीले नियन्त्रणमा लिन सफल भएको छ ।
गोरखा जिल्ला भिमसेन थापा गाउँपालिका ४ धावाका २८ बर्षिय प्रेम तामाङलाई गोरखा प्रहरीले लुकीछीपी हिडेको अवस्थामा पक्राउ गर्न सफल भएको जिल्ला प्रहरी कार्यालय गोरखामा प्रहरी नायव उपरिक्षक एवं सूचना अधिकारी प्रकाश दाहालले जानकारी दिए ।
जिल्ला अदालत गोरखाले तामाङलाई २ बर्ष कैद र १ लाख रुपैयाँ जरिवाना हुने ठहर गरे पछि उनी फरार भएको र उनलाई शनिबार गोरखा आरुघाटबाट फक्राउ गरिएको जिल्ला प्रहरी कार्यालय गोरखाले जनाएको छ ।
पक्राउ परेका तामाङलाई आज (आइतबार) गोरखा जिल्ला अदालत पेश गरिएकोमा कैद भूक्तानका लागी गोरखा कारागार चलान गरिएको अदालतका तहसिलदार अमृत मिश्रले जानकारी दिए ।
