गोरखा । हिमाली तमु युवा क्लब सिरानचोकले गैरा गाउँमा आयोजना गरेको ‘गैरा कप २०७८’ को फुटबल प्रतियोगितामा शनिबार ८ खेल सम्पन्न भएको छ ।
नक आउट आधारमा खेललाईएको खेलमा २८ समूहको सहभागीता रहेको क्लबका पूर्व अध्यक्ष बिक्रम गुरुङले जाकारी दिए । गुरुङ अनुसार शनिबार भएको पहिलो खेलमा चित्रे पोखरी युवा क्लब ‘एïले बिएसबी साँधीलाई २–० गोल अन्तरले बिजयी भएको छ ।
त्यस्तै गरी नयाँ साँघु युवा क्लव र जनप्रेमी युवा क्लब बिच भएको खेलमा नयाँसाँघुले जनप्रेमीलाई १–० गोल अन्तरले बिजयी भएको छ । शनिबार नै भएको हिमाली युवा क्लब र नामरुङ युवा क्लब ‘बि’ बिच भएको खेल निर्धारीत २०–२० मिनेटमा कुनै पनि गोल हुन नसके पछि पेनाल्टी सुट आउटमा नामरुङले हिमालीलाई ४–२, चाईनिज धारा युवा क्लब र सिम्ले युवा क्लब बिच भएको खेलमा चाईनिज धाराले सिम्लेलाई ५–० अन्तरले, अजम्बरी युवा क्लब ‘बि’ र सेभेन स्टार बिच भएको खेलमा अजम्बरीले सेभेन स्टालाई २–० गोल अन्तरले जित हात पारेको गुरुङले बताए ।
शनिबार नै भएको चित्रे पोखरी युवा क्लब ‘बि’ र नामरुङ युवा क्लब ‘ए’ बिच भएको खेलमा चित्रेले नामरुङलाई १–०, द ओसक क्लब र शिखर भोर्ले युवा क्लब बिच भएको खेलमा द ओसनले भोर्लेलाई २–० गोल अन्तरले जित हात पारेको थियो ।
यता सेभेन स्टार युवा क्लब ‘बि’ र जौबारी युवा क्लब बिच भएको खेलमा निर्धारीत समयमा १–१ मा बरावरी भए पछि पेनाल्टी सुट आउटमा सेभेन स्टारले जौबारीलाई ३–२ गोलले जित हात पारेको छ ।
असोज २७ गते सम्म चल्ने गैरा कपमा फुटबल नकआउट आधारमा खेलाईएको आयोजक क्लबमा पूर्व अध्यक्ष बिक्रम गुरुङले बताए । गुरुङका अनुसार बिजेताले नगद ६० हजार, उपबिजेताले ३० हजार र २ वटा सान्त्वना टिमलाई १०–१० हजार नगद, प्रमाण पत्र, मेडल र प्रसंशा पत्र प्रदान गरिने छ ।
क्लबले यो सहित छैटौ पटक फुटबल प्रतियोगिता आयोजना गरेको हो । खेलका एक कार्यक्रम बिच गण्डकी प्रदेशका उर्जा जलस्रोत तथा खानेपानी मन्त्री हरिशरण आचार्यले उदघाटन गरेका थिए ।