गोरखा । गोरखाको धुवाकोटमा रहेको १ स्कुलका बिद्यार्थीहरुलाई गैरसरकारी संस्था मार्फत शैक्षिक सामाग्री तथा पोशाक बितरण गरिएको छ ।
पालुङटार नगरपालिका ९ को धुवाकोटमा रहेको मदनेडाँडा माध्यमिक बिद्यालयका बिद्यार्थीलाई जन्मभूमीमा जननीहरुको अभियान नामक संस्थाले शैक्षिक सामग्री र पोशाक वितरण गरिएको हो ।
बिद्यालयमा अध्ययनरत गरिव तथा जेहेन्दार १२ जना बिद्यार्थीलाई कापी, क्यालकुलेटर, कलम लगायतका सामग्रीको साथमा पोशाक वितरण गरिएको शिक्षक भुवन सेडाइले जानकारी दिए ।
संस्थाले करिव ५० हजार रकम बराबरको सामग्री वितरण गरिएको जनाएको छ । संस्थाले देशभरीका गरिब, दुखी, अपाङ्गता भएका विद्यार्थीहरुलाई शिक्षाबाट बन्चित हुन नदिनका लागि यस्तो अभियान सुरु गरिएको जानकारी गराएको छ ।