गोरखा । नेपाली काँग्रेसको १४औं महाधिवेशनको पूर्व सन्ध्यामा गोरखा काँग्रेसको जिल्ला कार्य समितिमा भएको निर्वाचन मत परिणाम अनुसार उपसभापतिमा धिरन थापा र सिपी पोखरेल अगाडी देखिएका छन् ।
खसेको १ हजार ५१९ मत मध्ये दिउसो ३ः३० बजे सम्म १ हजार २०१ मतपत्रको मतगणना सम्पन्न भएको छ । १२ सय १ मतगणना हुदा उपसभापतिमा धिरन थापाले ८१६ मत ल्याउन सफल भएका छन् । त्यस्तै गरी थापा पछी सिपी पोखरलले ४२९ मत ल्याउन सफल भएका छन् । अन्य उम्मेदवारहरु रविकला खनालले ४१०, ईमान सिं बस्न्यातले ४२२ र हरिबहादुर गान्धारीले ३९ मत पाएका छन् ।
मंगलबार भएको निर्वाचनमा सचिव पदमा कृष्ण आले र किशोरजंङ थापा अगाडी देखिएका छन् । दुवै पदमा २–२ जना आवश्यक भएतापनि ५–५ जनाको उम्मेदवारी परेका कारण निर्वाचन गराईएको थियो ।
बुधबार दिउसो सम्म आलेले ५४५ र थापाले ५४१ मत ल्याएका छन् । अन्य उम्मेदवारहरु ओमबहादुर गुरुङले ३८९, तारानाथ पुडासैनीले ३०३ र रामप्रसाद भण्डारीले २६६ मत पाएका छन् ।
त्यस्तै गरी २ जनाको लागी भएको सह सचिव पदमा ८ जनाको उम्मेदवारी परेको थियो । जस मध्ये लुमनाथ लामिछानेले सर्वाधिक मत ल्याएका छन् । लामिछानले ५५३ मत ल्याएर अग्र स्थानमा छन् । त्यस्तै गरी दोस्रो स्थानमा मानप्रसाद धितालले २५२ मत ल्याएका छन् ।
सह सचिवका अन्य उम्मेदवारहरु गँगाप्रसाद अधिकारी २८७, बिश्व भट्टले २३१, दीपक हमाल २०५, कलमप्रसाद अम्गाई २०८, भोजराज पाण्डे १९४ र रामशरण आचार्यले १२२ मत पाएका छन् ।
