गोरखा । नेपाली काँग्रेस गोरखाको जिल्ला कार्य समितिको हिजो सम्पन्न निर्वाचनमा मतगणना जारी रहदा सचिव पदका उम्मेदवार किशोरजंङ थापा अगाडी रहेका छन् । उनलाई पछ्याउदै कृष्ण आले दोस्रो स्थानमा आएका छन् ।
यस अघि जिल्ला कार्य समितिमा कोषाध्यक्ष पद समेत सम्हालेका आलेले थापाको भन्दा २२ मत कम पाएका छन् ।
बुधबार दिउसो १२ः३० बजे सम्म कुल मत मध्ये १ हजार १ मतगणना हुदा थापाले ४५४, आलेले ४३२ मत पाएका छन् ।
त्यस्तै गरी सचिव पदकै अर्का उम्मेदवारहरु ओमबहादुर गुरुङ ३२६, ताराबहादुर पुडासैनी २४६ र रामप्रसाद भण्डारीले २२९ मत प्राप्त गरेका छन् ।
मंगलबार भएको निर्वाचनमा १ हजार ५१९ मत खसेको निर्वाचन समितिले जानकारी दिएको छ । अब ५१८ मतगणना हुन बाँकी रहेको छ ।
