गोरखा । महिला उद्यमी बिकास समिति गोरखाले आज आफ्नो १०औं स्थापना दिवश मनाएको छ । स्थापना दिवशमा एक स्थानिय स्कुलमा अध्ययरत बिद्यार्थीहरुलाई खाना खुवाएर मनाएका छन् ।
गोरखा उद्योग बाणिज्य संघ अन्तरर्गत रहेको महिला उद्यमीहरुले गोरखा नगरपालिका ६ मा रहेको बालमन्दिर माविका अनाथ बालबालिकाहरुलाई बिहानको खाना खुवाएर स्थापना दिवश मनाएको समितिकी अध्यक्ष सुशिला श्रेष्ठले जानकारी दिईन । ‘अन्य रुपमा पनि मनाउन सकिन्थ्यो तर अनाथ बालबालिकाहरुको अभिभावक बनेर खाना खुवाएर स्थानिा दिवश मनाउन पाउदा खुशी लागेको’ भन्दै ‘एक छाक खाना खुवाएर उनिहरुको अभिभावक भएर हेर्ने मौका पनि पाएको’ अध्यक्ष श्रेष्ठले बताए ।
बालमन्दिर माविमा जिल्ला भित्रका २६ जना अनाथ बालबालिकाहरुलाई निशुल्क अध्यापन गराउदै आएको छ ।
कार्यक्रममा उद्योग बाणिज्य संघ प्रर्थम उपाध्यक्ष कृण्णकुमार श्रेष्ठ सहित अन्य पदाधिकारी र महिला उद्यमीहरुको पदाधिकारीहरुको उपस्थिती रहेको समितिले जानकारी दिएको छ ।
