गोरखा । नेपाली काँग्रेसको आसन्न १४औं महाधिबेशन अन्र्तरगत जिल्ला कार्यसमितिको मतदान कार्य निर्धारीत समय भन्दा ढिला गरी सुरु भएको छ । सदरमुकामको हरमटारीमा रहेको कर्भड हलममा ५ घण्टा ढिला गरी मतदान सुरु भएको हो । ्
बिहान ८ बजेदेखि सुरु हुनुपर्ने मतदानको कार्य दिउँसो १२ः४५ बजे बल्लबल्ल सुरु भएको निर्वाचन समितिले जनाएको छ । निर्वाचन ढिला गर्दा मतदाताहरुले हो हल्ला समेत गरेका थिए ।
निर्वाचनमा ढिला गरी सुरु भएपछि बिहानैदेखि लाईनमा बसेका मतदाताहरु घामले आत्तिएका थिए । खेलकुद मैदानमा भोट हाल्न लाइनमा बसेका मतदाताहरु लामो समयसम्म पनि पालो नआएपछि प्रहरी समेतलाई धकेलेर मतदान गर्न कर्भड हल भित्र प्रवेश गरेका थिए ।
