गोरखा । ६६ औ प्रहरी दिवस २०७८ को अवसरमा गोरखा प्रहरीले विभिन्न सामाजिक काम सम्पन्न गरेको छ ।
जिल्ला प्रहरी कार्यालय गोरखाले सदरमुकाममा रहेको रानी पोखरी र वरपर रहेको मन्दिर परिषरको सरसफाई गर्नुका साथै रत्तदान गरेर प्रहरी दिवस मनाई रहेको छ ।
गोरखा सदरमुकामको पदेलीमा रहेको रानी पोखरी सरसफाईमा प्रहरी उपरीक्षक शेखर खनालको नेतृत्वमा ४७ जना प्रहरी कर्मचारीहरुको सहभागीता रहेको गोरखा प्रहरीले जनाएको छ । प्रहरीले रानी पोखरी, पुष्कर तिर्थको पनि सरसफाई गरेको थियो ।
साथै जिल्ला प्रहरी कार्यालय गोरखाको आयोजनामा रेडक्रस सोसाईटी जिल्ला शाखा गोरखासंगको सहकार्यमा कार्यालय परिसरमा रक्तदान कार्यक्रम समेत सम्पन्न गरेको छ । रक्तदान कार्यक्रममा प्रहरी कर्मचारीहरु ५५ जना, अन्य सुरक्षा निकायका ४ जना र २ सर्वसाधारण गरी जम्मा ६१ जनाले रक्तदान गरेको प्रहरी कार्यालयले जनाएको छ ।