चितवन । चितवनको दासढुङमा भारतीय ट्रकले स्कुटरलाई ठक्कर दिदाँ गोरखाका १ जना महिलाको ज्यान गएको छ भने उनका श्रीमानको गंभर अवस्थामा उपचार भई रहेको छ ।
भरतपुर महानगरपालिका २९ को दाशढुंगास्थित सडकमा भारतीय नम्बरको आरजे ०५ जीबी ४८८१ लहरीले प्रदेश ०३–००४ प ४०१७ नम्बरको स्कुटरलाई शनिबार बिहान ठक्कर दिँदा स्कुटरमा सवार गोरखा नगरपालिका ९ बस्ने २१ वर्षीया अन्जु घर्ती मगरको मृत्यु भएको चितवन प्रहरीले जनाएको छ ।
दुर्घटनामा परी गम्भीर घाइते भएकी अन्जुको नयाँ मेडिकल कलेज भरतपुरमा उपचारको क्रममा मृत्यु भएको हो ।
सोही दुर्घटनामा घाइते भएका स्कुटर चालक उनकै श्रीमान २४ वर्षीय श्रीराम रानाको सोही अस्पतालमा गंभिर अवस्थामा उपचार भइरहेको छ ।
दुुर्घटनामा संलग्न लहरी र त्यसका चालकलाई प्रहरीले नियन्त्रणमा लिएको चितवन प्रहरीले जनाएको छ ।