बजार परिक्रमाकाे क्रममा भूपु प्रहरीलाई मास्क लगाईदिदै प्रनि हिमनाथ घिमिरे
गोरखा । गोरखामा पनि ६६औं प्रहरी दिवश विभिन्न कार्यक्रम गरी मनाईएको छ ।
आइतबार गोरखा प्रहरी र सामुदायिक सेवा केन्द्र तथा जिल्ला ट्राफिक प्रहरी कार्यालयको संयुत्त आयोजनामा सदरमुकाममा ‘तपाईको मास्क खै’ अभियानलाई निरन्तरता दिईएको छ ।
६६औं प्रहरी दिवस २०७८ तथा विश्व अहिंसा दिवसको अवसरमा जिल्ला प्रहरी कार्यालय गोरखाबाट सुरु भएको रयालीले शत्तिचोक, बसपार्क, बिपी चोक, रानीपोखरी, पदेली, ठुलो आँगन, तिनधारे, पाटेचौर, गोरखा अस्पताल हुदै लोकतान्त्रिक चोकमा आएर समापन गरिएको थियो ।
जिल्ला प्रहरी कार्यालय गोरखाका प्रहरी निरिक्षक हिमनाथ घिमिरे, सामुदायिक सेवा केन्द्रका अध्यक्ष कैलासबावु श्रेष्ठ र जिल्ला ट्राफिक प्रहरी कार्यालय गोरखाका प्रहरी नायव निरिक्षक प्रेमप्रसाद पोखरेलको नेतृत्वमा प्रहरी सहितको टोलीले बजार परिक्रमा गर्दा मास्क नलाई हिडेकाहरुलाई सम्झाई बुझाई गरी मास्क लगाउन अनुरोध गरेका थिए ।
गोरखा प्रहरीले प्रहरी दिवशको अवशरमा सोमबार जिल्ला सदरमुकाममा नेपाल रेडक्रस सोसाइटी जिल्ला शाखाको समन्वयमा रत्तदान कार्यक्रम समेत सञ्चालन गर्ने जिल्ला प्रहरी कार्यालय गोरखामा प्रहरी उपरिक्ष शेखर खनालले बताए ।
