गोरखा । जिल्ला भित्रका ११ जना जेष्ठ नागरिकहरुलाई आज एक कार्यक्रम बिच सम्मान गरिएको छ ।
जेष्ठ नागरिक जिल्ला संघ र सामाजिक बिकास कार्यालयको संयुत्त आयोजनामा गोरखा सदरमुकाममा विभिन्न क्षेत्रका ८० बर्ष माथिका जेष्ठ नागरिकहरुलाई सम्मान गरिएको हो ।
‘३१औं अन्तराष्ट्रिय जेष्ठ नागरिक दिवश अक्टुबर १’को अवशरमा संघले जिल्ला भित्रका ८० बर्ष माथिका ११ जनालाई सम्मान गरिएको संघ जिल्ला अध्यक्ष मोहनलाल श्रेष्ठले बताए । ‘कोरोनाका कारण जिल्ला भित्रका अन्य जेष्ठ नागरिकहरुलाई सम्मान गर्न सकिएन । तर उनीहरुलाई पनि कुनै न कुनै अवशर पारेर सम्मान गरिने छ’ अध्यक्ष श्रेष्ठले भने ।
सम्मान पाउनेहरुमा नारायणभत्त अर्याल, बिण्णुहरी मरहट्टा, बुधलक्ष्मी शाक्य, भोलाकुमारी श्रेष्ठ, भक्तकुमारी गुरुङ, खिलबहादुर श्रेष्ठ, खडानन्द शर्मा, शुकमायाँ गुरुङ, सन्तबहादुर सार्की, विण्णु पोखरेल र भिमकुमारी बस्नेत रहेका छन् ।
सम्मान पाउने सबैलाई कार्यक्रमका प्रमुख अतिथी गोरखा जिल्ला अदालतका न्यायधिस बिनबन्दु बरालले दोसल्ला ओडाएका थिए भने बिशेष अतिथी जिल्ला समन्वय समितिका संमन्वय प्रमुख अशोककुमार गुरुङले प्रमाण पत्र र अर्का बिशेष अतिथी प्रमुख जिल्ला अधिकारी शंकरहरी आचार्यले नगद प्रदान गरेका थिए ।
कार्यक्रममा सम्मानीत हुनेहरुलाई विभिन्न राजनैतिक दलका प्रतिनिधीहरुले अबिर र फुल गुच्छा प्रदान गरेका थिए ।
सम्मानितहरुलाई पौष्टीक आहारको रुपमा हर्लिक्स तथा स्वास्थ्य सामाग्री अन्तरर्गत साबुन समेत प्रदान गरिएको सामाजिक बिकास कार्यालयले जनाएको छ ।
