गोरखा । उत्तरी गोरखामा चामलको अभाव भए पछि खाद्य ब्यवस्था तथा ब्यापार कम्पनी लिमिटेडले २ दिनमा ९३ क्विन्टल भन्दा बढी चामल हेली मार्फत ढुवानी गरेको छ ।
बर्षाका कारण कच्ची सडक र गोरेटो बाटो समेत भत्कीएका कारण कम्पनीले नेपाली सेनाको हेलिकप्टर मार्फत चुम्चेत र सिर्दीबारमा चामल ढुवानी गरेको कम्पनीको गोरखा शाखाले जनाएको छ ।
चुमनुब्री गाउँपालिकाको चुम्चेतमा मंगलबार २ फ्लाईट र बुधबार सिर्दीबासमा ३ फ्लाईट मार्फत ९३ क्विन्टल ३० केजी चामल ढुवानी गर्न सफल भएको खाद्य ब्यबस्था तथा ब्यापार कम्पनी लिमिटेड शाखा कार्यालय गोरखाका सूचना अधिकारी शिव सुनारले जानकारी दिए ।
चामल ढुवानीका लागी गृह मन्त्रालयले नेपाली सेनाको हेलिकप्टरको ब्यवस्था गरिदिए पछि मंगलबार र बुधबार ५ फ्लाईट मा कम्पनीले अरुवा मकवानपुरे चामल ढुवानी गरेको हो ।
ढुवानी गरिका मध्ये चुम्चेतको लागी ११४ बोरा र सिर्दीबासका लागी १९७ बोरा रहेको कम्पनीको गोरखा शाखाले जनाएको छ । त्यहाँ पुगेको उत्त चामल ३० केजी प्रति बोरोको १ हजार ५०० मा स्थानियले खरिद गरेर उपभोग गर्न सक्ने सूचना अधिकारी सुनारले बताए ।
यस अघि पनी नेपाली सेनाकै हेली मार्फत उत्तरी गोरखामा चामल ढुवानी गरिएको थियो । आज समेत गरेर उत्तरी गोरखामा २५५ क्विन्टल ३० केजी चामल उत्तरी गोरखामा पुरर्याइएको कम्पनीको गोरखा शाखाले जनाएको छ ।
तस्बिर शिव सुनार
