गोरखा । गोरखा नगरपालिका गण्डकी प्रदेशकै उत्कृष्ट नगरपालिका घोषित भएको छ । गण्डकी प्रदेशका ८५ पालिकामध्य स्वास्थ्य सम्बन्धी कार्यक्रम सञ्चालनमा गोरखा नगरपालिले गरेको काम राम्रो भएको भन्दै सर्वोत्कृष्ट भएको प्रदेशको स्वास्थ्य तथा जनसंख्या मन्त्रालयले जनाएको छ ।
गएको आर्थिक बर्ष २०७७÷०७८ मा सम्पन्न गरिएका कार्यक्रमहरुको समीक्षा गोष्ठीमा नगरपालिका सर्वोउत्कृष्ठ भएको जानकारी गराइएको थियो । नगरपालिकाले ८०.५३ प्रतिशत अंक पाएको छ ।
खोप, सुरक्षित मातृत्व, परिवार नियोजन, महामारी रोग नियन्त्रण लगायतका सूचकहरुमा नगरपालिकाले गरेको कामका आधारमा मूल्यांकन गर्दा गोरखा नगरपालिका पहिलो स्थानमा भएको प्रदेश स्वास्थ्य निर्देशनालय पोखराले जनाएको छ ।
गोरखाको पालुङ्टार नगरपालिका ७औं र सिरानचोक गाउँपालिका १०औं स्थानमा पर्न सफल भएका छन् ।