गोरखा । उत्तरी गोरखामा चामलको अभाव भए पछि आज पुनः हेली मार्फत चामल ढुवानी गरिएको छ ।
नेपाली सेनाको हेलिकप्टर मार्फत मंगलबार चुमनुब्री गाउँपालिकाको चुम्चेतमा ३४ क्विन्टल चामल ढुवानी गरिएको हो । ‘उत्तरी गोरखाको चुम्चेतमा नेपाली सेनाको हेलिकप्टर मार्फत २ पटकमा ११४ बोरा चामल पठाईएको’ खाध्य ब्यबस्था तथा ब्यापार कम्पनी लिमिटेड शाखा गोरखा सूचना अधिकारी शिव सुनारले बताए ।
आजै उत्तरी गोरखाको छेकम्पारमा पनि चामल ढुवानी गर्ने योजना भएता पनि दिउसो देखी मौसममा आएको प्रतिकुलताका कारण हेली जान नसकेको खाध्य ब्यबस्था तथा ब्यापार कम्पनी लिमिटेड शाखा गोरखाले जनाएको छ ।
छेक्पारमा बुधबार बिहान चामल पठाउने तयारी भई रहेको शाखाले जनाएको छ । जेठ महिना देखी भएको अबिरल बर्षाका कारण उत्तरी गोरखा जाने गोरेटो बाटो पूर्ण रुपमा क्षति भएका कारण पटक पटक हेली मार्फत चामल ढुवानी हुदै आएको् छ ।
यस पटक पनि नेपाल सरकारको गृह मन्त्रालय मार्फत नेपाली सेनाको हेलीकप्टर मार्फत चामल ढुवानी गरिएको सूचना अधिकारी सूनारले जानकारी दिए । चुम्नुब्री गाउँपालिकामा पटक पटक गरि हेली मार्फत १९९ क्विन्टल चामल ढुवानी भई सकेको खाध्य ब्यबस्था तथा ब्यापार कम्पनी लिमिटेड शाखा गोरखाले जनाएको छ ।
तस्बिर शिब सुनार
