साँकेतिक तस्बिर
गोरखा । केही दिन यता गोरखाको विभिन्न क्षेत्रमा भाइरलका बिरामीहरु बढ्न थाले पछी स्कुलहरु बन्द गर्न थालिएको छ ।
भाइरलका बिरामी धेरै देखिन थाले संगै गोरखा सदरमुकामको जनज्योती मावि तथा सिरानचोक गाउँपालिकाको जनज्योती मावि बन्द गरिएको हो ।
कोरोना भाइरस संग मिल्दो जुल्दो भाइरलका बिरामी बढेपछि स्कुल बन्द गरिएको स्कुल प्रशासनले जनाएको छ ।
सिरानचोक गाउँपालिकाको जनज्योती माविमा अध्ययनरत ५ जना बिद्यार्थीहरुमा कोरोना देखिए संगै स्कुल बन्द गरिएको प्रधानाध्यापक बेद शर्माले जानकारी दिए । शिक्षकमा पनि कोरोना संक्रमण देखिएपछि तत्कालका लागि स्कुल बन्द गरिएको प्रअ शर्माले बताए ।
मौसम परिवर्तन भएसँगै देखिन थालेको भाइरलका बिरामीका कारण गोरखा सदरमुकामको अर्को मनकामना बहिरा माविमा पनि ६ जना बिद्यार्थीहरुमो कोरोना संक्रमण देखिएको बिद्यालय ब्यवस्थान समितिका अध्यक्ष खडानन्द रेग्मीले बताए । ‘आज हामी शिक्षकहरु संग सल्लाह गरेर केही दिनका लागी भए पनि बिद्यालय बन्द गर्नुपर्ने देख्छु’ अध्यक्ष रेग्मीले भने ।
मौषम परिवर्तनका कारण अहिले गोरखा अस्पतलामा रुघा खोकी तथा ज्वरोका बिरमीहरु पनि दैनिक दर्जनौ हुने गरेको गोरखा अस्पतालले जानकारी दिएको छ । आइतबार मात्रै पनि त्यस्ता लक्ष्यण भएका १२ जना बिरामीहरुको एन्टिजेन परिक्षण गरिएको गोरखा अस्पतालका सूचना अधिकारी कृण्ण ढकालले बताए ।
संक्रमण कम भएको भन्दै हतारमा बिद्यालय संञ्चालनमा ल्याउदा र स्वास्थ्य मापदण्ड पुरा नगर्दा भोली संक्रमणको दर भयावह हुन सक्ने तर्फ भने सरोकार वाला निकायको घ्यान जान जरुरी छ ।