गोरखा । गोरखामा मंगलबार थप ७ जनामा कोरोना संक्रमण पुष्टी भएको छ । जिल्लाको पालुङटार नगरपालिका र अजिकोट गाउँपालिकामा ७ जनामा संक्रमण देखिएको स्वास्थ्य कार्यालय गोरखाले जनाएको छ ।
संक्रमण देखिएका सबै जना एन्टिजेन मार्फत पोजेटिभ देखिएका हुन् । १० जना महिला र ८ जना पुरुषमा एन्टिजेन परिक्षण गर्दा पालुङटारमा ४ जना महिला र १ जना पुरुष तथा अजिरकोटमा २ जना महिलामा संक्रमण देखिएको छ ।
मंगलबार संक्रमण देखिएकास सहित जिल्लाको ८ स्थानिय तहमा ५२ जना सक्रिय संक्रमित रहेको पनि कार्यालयले जनाएको छ ।
जिल्लामा मंगलबार सम्म कुल ६ हजार ४८७ जनाले कोरोना जित्न सफल भएका छन् भने ५९ जनाको ज्यान गईसकेको छ ।
जिल्लाको भिमसेन थापा, बारपाक सुलिकोट र चुमनुब्री गाउँपालिका भने कोरोना शून्य पालिका भित्र पर्न सफल भएका छन् ।
