गोरखा । गोरखाको बुंकोटमा बाटो निर्माणका लागी ढुङ्गा निकाल्ने क्रममा च्यापिएर एक मजदुरको ज्यान गएको छ ।
शहिद लखन गाउँपालिका ८ को ढोडेनी पाखामा ढुङ्गा निकाल्ने क्रममा अर्को ढुङ्गा आएर च्यापिदा वडा नम्बर ८ को बराहफाँट निवासी बीरबहादुर परियारको घटना स्थलमा नै ज्यान गएको वडा अध्यक्ष काशीनाथ अंगाईले बताए ।
मैलुम जाने गोरेटो बाटोको लागी आवश्यक ढुङ्गा निकाल्ने क्रममा माथीबाट अर्को ठुलो ढुङ्गा आएर लाग्दा परियारको घटना स्थलमा नै ज्यान गएको जानकारी आफुले पाएको वडा अध्यक्ष अंगाईले बताए ।
वडाको योजना अन्तरर्गत टोल बस्ती जाने बाटो निर्माणका लागी ढोडेनी पाखामा रहेको ढुङ्गा निकाल्ने क्रममा दिउसो १२ बजे तिर परियारलाई माथीबाट खसेको ढुङ्गाले लागेको र उनको घटना स्थलमा नै ज्यान गएको गोरखा प्रहरीले जानकारी दिएको छ ।
घटना स्थलमा प्रहरी टोली पुगेको र घटनाको विवरण संकलन गरी रहेको प्रहरीले जनाएको छ । मृत्तक परियारको शव पोष्टमार्टमका लागी गोरखा अस्पताल ल्याउने तयारी भई रहेको छ ।
घटनाको बिषयमा प्रहरी थप अनुसन्धान सुरु गरेको जनाएको छ ।