गोरखा । ५ दिन अगाडी आगोले पोलेर घाईते अवस्थामा रहेकी गोरखाको एक महिलाको आज हेलीकप्टर मार्फत उद्वार गरिएको छ ।
धार्चे गाउँपालिका २ रुञ्चेतकी गर्बी गुरुङको मंगलबार हेलिकोप्टर मार्फत उद्धार गरि उपचारको लागी राजधानी लगिएको हो ।
राजेन्द्र बजगाई, धावा ग्याल्जेन लामा र सागर गुरुङले घाइतेको उद्धार गरी उपचारको व्यवस्था मिलाएका हुन् ।
गोरखा घर भएका उनीहरु राजधानीमा विभिन्न व्यवसाय गरेर बस्दै आएका छन् । हेलीकप्टरको ब्यवस्था धावा ग्याल्जेन लामा र सागर गुरुङले ब्यवस्था मिलाएका हुन भने उपचारको लागी राजेन्द्र बजगाईँले व्यवस्था मिलाएको उनीहरुले जानकारी दिए ।
‘असोज १ गते राती गोठमा सुतिरहेको अवस्थामा अचानक आगलागी भएर घाईते भएकी गुरुङको आर्थिक अवस्था कमजोर भएका कारण जिल्ला सदरमुकाम सम्म पनि ल्याएर उपचार गराउन असम्भव भए पछि गंभिर अवस्थामा घरमा नै बस्दै आएकी थिइन । आगलागीमा परेर १४ वटा बाख्रा समेत जलेको थियो ।
घाइतेलाई अहिले राजधानीको शिक्षण अस्पतालमा उपचार थालिएको छ ।
तस्बिर : धावा ग्याल्जेन लामा