गोरखा । उत्तरी गोरखाको रुन्चेतमा भएको आगलागीमा परी घाईते भएकी महिलाले उपचार नपाउदा समस्यामा परेकी छिन ।
धार्चे गाउँपालिका २ को रुन्चेतमा असोज १ गते राती गोठमा आगलागी हुदा गर्बी गुरुङ गंभिर घाईते भएकी थिइन । असोज १ गते गोठमा सुत्ने क्रममा रातको समयमा अचानक आगलाी भए पछि गुरुङ गोठमा रहेको १३ वटा बाख्रा पनि आगोमा जलेको थियो ।
४५ वर्षकी गर्वी गुरुङको आर्थिक अवस्थामा अत्यन्तै नाजुक भएका कारण उनको परिवारले सदरमुकाम सम्म ल्याएर उपचार गराउन नसकेको एक स्थानियले बताए । तर यो बिषयमा गाउँपालिकामा जानकारी गराउदा पनि पालिकाले वास्ता नगरेको पिडीत परिवारले गुनासो गरेका छन् ।
गोठमा सुतिरहेका बेला अचानक भएको आगलागीबाट शरीरभरी अनुहार र शरिरको विभिन्न भागमा पोलेको थियो । सडक सञ्जालले नजोडिएकाले उत्त स्थानबाट पिडितलाई उपचार गराउन हेलिकप्टर मार्फत लैजानु पर्ने र परिवारको आर्थिक अवस्थामा कमेजोर भएकै कारण हेलीकप्टर चार्टर गर्न नसकिएको पिडित परिवारजनले जानकारी दिए ।
आगलागी भएको थाहा पाए लगत्तै छिमेकी गोठमा बास बसेका मानिसहरुले उनको उद्धार गरेको थियो ।
तस्बिर : बिरेन्द्र घले