साँकेतिक तस्बिर
गोरखा । बहुचर्चित बुढीगण्डकी जलबिद्युत आयोजना प्रभावितहरुले आफ्नो मागको बिषयमा सरकार गंभिर नभएको भन्दै पुनःआन्दोलनको घोषणा गरेका छन् ।
बुढीगण्डकी जलबिद्युत आयोजना राष्ट्रिय सरोकार समितिले भाद्र २० गते ११ बुदे माग राख्दै सरकारलाई १० दिने अल्टिमेट दिएको भएता पनि सरकारबाट कुनै पनि कुराको सुनुवाई नभएको भन्दै समितिले अब राजधानी केन्द्रित आन्दोलनको तयारी थालेको हो ।
अबको आन्दोलन राजधानीको माईतीघर मण्डला केन्द्रित रहने समितिले जनाएको छ । राजधानी केन्द्रित आन्दोलमा पहिलो चरणमा असोज ४ गतेदेखी १० गतेसम्म माईतीघर मण्डलामा धर्ना दिने कार्यक्रम तय गरेको छ ।
समितिले डुवान प्रभावित सबैलाई आन्दोलनमा सहभागी हुन समेत आग्रह गरेको छ । माईतीघरमा समितिले धर्ना र प्रदर्शन गर्ने कार्यक्रम तय गरेको छ ।
समितिले दिएको जानकारी अनुसार आन्दोलन हरेक दिन १२ः०० बजेदेखी दिउसो ३ः०० बजेसम्म हुने छ । समितिले डुबान प्रभावित सबै गाउँलाई आलोपालो गरी तालिका अनुसार सहभागी हुन भनेको छ ।
तालिका अनुसार असोज ४ गते दर्बुङ, असोज ५ गते जोगिटार, माझीटार, सलाङ र घ्यालचोकका डुवान पिडीतले धर्ना दिने छन् भने असोज ६ गते फुजेल, नामजुङ, मजुवा, पिपलटार, कालीमाटी र खरीका पिडीतले धर्ना दिने कार्यक्रम रहेको छ ।
त्यस्तैगरी असोज ७ गते र्बोेलाङ, बुंकोट, सल्यानटार, चैनपुर र खहरे, असोज ८ गते बालुवाटार, तान्द्राङ र ज्यामरुङ,
असोज ९ गते पेट्रोलियम पदार्थमा कर तिर्ने सबै नेपालीहरु र असोज १० गते आरुघाट, मंगलटार, शान्तिबजार, आरर्खेत, मुलपानी, बसेरी, बुढाथुम र आगीन्चोकका पिडीतलाई धर्नामा सहभागी हुन अनुरोध गरेको छ ।
