गोरखा । नेकपा एमाले स्थाई कमिटी सदस्य एवं गण्डकी प्रदेशका पूर्व अर्थमन्त्री किरण गुरुङले आगामी निर्वाचनमा गोरखामा काँग्रेस र माओवादीलाई दियो बालेर खोज्नुपर्ने अवस्था आउने तर्क गरेका छन् ।
सोमबार गोरखा सदरमुकाममा भएको एमालेको पार्टीको बृहत कार्यकर्ता भेला तथा अभिमुखिकरण कार्यक्रममा बोल्दै गुरुङले यस्तो तर्क गरेका हुन् । ‘मलाई लाग्छ, अब आगामी निर्वाचनमा गोरखामा नेपाली कांग्रेस र माओवादीलाई दियो बालेर खोज्नु पर्ने अवस्था हुन्छ’ भन्दै ‘नेकपा एमाले शक्तिशाली पार्टीको रुपमा स्थापित हुँदै गएको’ दावी गरे ।
जिल्ला समन्वय समितिको सभा हलमा भएको कार्यक्रममा कार्यकताहरुलाई ‘एमाले विभाजनलाई रोक्न माधव पक्षका नेताहरुलाई पटक पटक सम्झाई, बुझाई गरे पनि उनीहरु नमानेर अर्को पार्टी खोल्न तर्पm लागेको’ गुरुङले आरोप समेत लगाए ।
नेता गुरुङले नेकपा एकिकृत समाजबादीमा लागेको एमाले कार्यकतारुलाई एमालेमा नै फर्कन आग्रह गर्दै एमालेको छाती विशाल भएकोले गल्ती सम्झेर फर्किने कार्यकतालाई माफी दिदै पार्टीमा स्वागत गर्ने बताए ।
