गोरखा । गोरखाको छापथोकमा भिरबाट लडेर १ जना बृद्वको ज्यान गएको छ । गोरखा नगरपालिका १ को छापथोक निवासी ७८ बर्षिय डुण्डीप्रसाद भट्टको ज्यान गएको हो ।
शनिबार साँझ ६ बजे झिगटे तर्फ निस्किएका भट्ट रातै भरी पनि नआए पछि उनको परिवार र स्थानियले आज खोजतलास गर्दा छापथोककै कालोमोडो भन्ने खोल्सीमा मृत्त अवस्थामा फेला परेको थियो ।
गोरखा–आरुघाट खडकको छापथोकबाट १ किलोमिटर तल भट्टको मृत्त शरिर फेला परेको स्थानिय नारायण भट्टले जानकारी दिए । ‘झिगटेबाट फर्कने क्रममा बाटो बिराएर अर्को बाटो गएको र भिरबाट लडेरको जस्तो अवस्थामा शव फेला परेको’ भट्टले बताए ।
शव फेला परे लगत्तै गोरखा प्रहरीलाई खबर गरेको र प्रहरीले मुचुल्का उठाएर शव पोष्टमार्टमका लागी गोरखा अस्पताल ल्याइएको अर्का एक स्थानियले जानकारी दिए ।
आफन्त र स्थानियल खोजी गर्दा भट्टको शव आइतबार बिहान ११ः३० बजे मात्र फेला परेको थियो ।
