गोरखा । गोरखा बजारमा रहेको एपोलो हस्पिटल प्रालीमा उपचाररत बिरामीको आज मृत्यु भएका बिरामीका आफन्तलाई अस्पतालले ६ लाख रुपैयाँ दिने सहमती भएको छ ।
गोरखा नगरपालिका ६ बसपार्कका ५६ वर्षिय टोपमान बिकको उपचारको क्रममा शनिबार बिहान ५ः३० बजे मृत्यू भएको थियो । मृत्तक बिरामीका आफन्तले अस्पताल र डाक्टरको लापरर्वाहीका कारण मृत्यु भएको भन्दै अस्पताल खारेज गनुपर्ने र बिरामीका आफन्तलाई उचित क्षतिपुर्ती दिनु पर्ने माग गर्दैै बिहानै देखी नाराबाजी गर्दैै आएका थिए ।
जिल्ला प्रहरी कार्यालय गोरखाको प्रतिनिधीको रोहबरमा अस्पताल सञ्चालक र मृत्तकका आफन्त बिच भएको सहमती अनुसार मृत्तक परिवारलाई ६ लाख रुपैयाँ दिने सहमती पछी अहिले आन्दोलन स्थगित भएको छ ।
शुक्रवार राती कबिर ८ बजे पेटमा समस्या देखे पछि अस्पताल भर्ना गरिएका विकको आज बिहान ज्यान गएको थियो । ‘अस्पताल ल्याए देखी नर्सले सुई दिने बाहेक डाक्टर आएर हेर्ने काम नै गरेनन्’ भन्दै ‘मोबाईल फोनमा कुरा गरेर नर्सले ३–४ पटक सुई दियो तर बिहान बाऊको ज्यान गयो । यो अस्पतालका लापरर्वाही नभए के हो त ?’ मृत्तकका जेठा छोरा सुर्य बिकले भने ।
‘बिच बिचमा डाक्टरको निर्देशन बमोजिम नै औषधी चलाएको हो । राती निको भएको बिरामी हामीले नै अर्वजरमा राखेका हौ ।’ भन्दै ‘बिहान हृदयघातका कारण बिरामीको ज्यान गएका’ अस्पताल सञ्चालक डा.सन्तोष मास्केले बताए ।
डा.मास्केका अनुसार हामीले सहानुभूती बापत केही रकम मृत्तकका आफन्तलाई दिईएको छ । आजै १ लाख दिने र अन्य ५ लाख भने केही दिन भित्रै दिने शर्तमा आफन्तले शव उठाउने सहमती भएको पनि उनले बताए ।
बिरामी मृत्यु पछि आफन्त र छिमेकीले अस्प्ताल घेरे पछि ठुलो संख्यामा नेपाल प्रहरी र शसत्र प्रहरी परिचालन गरिएको थियो ।
