गोरखा । आजबाट गोरखाको सबै मन्दिर खुल्ला भएको छ । कोभिड जिल्ला कोभिड ब्यवस्थापन समितिले कोभिड महामारीका कारण बन्द रहेको जिल्लाको सबै मठ मन्दिरहरु भाद्र २३ गतेबाट खुल्ला गर्ने निर्णय गरेको हो ।
जिल्ला प्रशासन कार्यालय गोरखामा बसेको समितिलको बैठकले जिल्ला भित्रको सबै प्रकारको मठ मन्दिर खुल्ला गर्ने निर्णय गरे संगै आज बिहानै देखी गोरखा प्रसिद्व धार्मिक तिर्थ स्थल गोरखाकाली, गोरखनाथ र मनकामना मन्दिरमा सर्व साधारणहरुको भिड लागेको छ । बुधबार देखी पूजाआजा लगायतका धार्मिक कार्यहरु सञ्चालन गर्ने निर्णय भएको समितिका संयोजक एवं प्रमुख जिल्ला अधिकारी शालिग्राम शर्मा पौडेलले बताए ।
मन्दिर खुल्ला भएता पनि मनकामना मन्दिरमा आउने भत्तजनहरुले सिधै मन्दिर भित्र प्रवेश भने नपाउने भएका छन् । उनीहरुले ढोका बाहिरबाट नै दर्शन गर्ने पूजा सामाग्रीहरु मन्दिरको सहयोगी मार्फत पुजारीसम्म पुरयाएर पुजा गर्ने निर्णय गरिएको समितिले जनाएको छ ।
श्रद्वालुहरुका लागी मन्दिर परिषरमा साबुनपानीको ब्यवस्था गर्ने, मन्दिरका पुजारी तथा कर्मचारीले सुरक्षाका सबै मापदण्ड अपनाउने देखी सुरक्षकर्मीहरुले श्रद्वालुलाई सामाजिक दुरी कायम हुने गरी लाइनमा राख्ने सम्मको निर्णय पनि समितिले गरेको छ ।
त्यस्तै गरी दर्शनार्थीहरुको सुरक्षालाई ध्यान दिदै रुघा खोकी लागेका कुनै पनि दर्शनार्थीहरुलाई मन्दिर प्रवेशमा रोक लगाएको छ ।
आजैबाट मनकामना दर्शन प्रालि द्वारा सञ्चालित केबलकार पनि स्वास्थ्य सुरक्षाको मापदण्ड पूर्ण रुपमा पालन गराउदै सञ्चालनमा आएको स्टेशन म्यानेजर उज्वल शेरचनले बताए ।
