गोरखा । गण्डकी गाउँपालिकाको सिउरेनीटारमा हात मुख धुने क्रममा त्रिशुली नदीले बगाउदा १ जना स्थानिय बेपत्ता भएका छन् ।
आइतबार गण्डकी गाउँपालिका ८ सिउरेनीटारका ६५ बर्षिय भक्तबहादुर माझीलाई घर नजिकै रहेको त्रिशुली नदीले बगाउदा बेपत्ता बनाएको जिल्ला प्रहरी कार्यालय गोरखाले जनाएको छ ।
घरबाट घाँट काट्न निस्कीएका माझीले त्रिशुली नदी किनारमा घाँस काटेर फर्कने क्रममा हात मुख धुने क्रममा त्रिशुली नदीले बगाएको हुन सक्ने गोरखा प्रहरीले जनाएको छ ।
माझी घाँस काट्न गएको लामो समय सम्म पनि घर नफर्कीए पछि उनका परिवारले स्थानिय प्रहरीलाई खबर गरेको र सोमबार घाँस काट्न गएको स्थानमा गई स्थानिय संग बुझदा माझीलाई त्रिशुली नदीले बगाएको र उद्वार गर्न नसकिएको स्थानिय मिठु तामाङले जानकारी दिईन ।
बेपत्ता भनिएका माझीको त्रिशुली नदी किनारामा लाइटर, सुर्ती, चप्पल र हसियाँ पाईएको घ्यालचोक प्रहरीले जानकारी दिएको छ ।
बेपत्ता माझीको खोजी जारी रहेको प्रहरीले जनाएको छ ।
