गोरखा । गोरखा लायन्सले स्थापना गरेको आँखा सेवा केन्द्रबाट हाल सम्म करिब २ लाख सर्व साधारणले सेवा लिएको छ ।
गोरखा नगरपालिका ६ को गोरखा अस्पताल परिषरमा रहेको आँखा सेवा केन्द्रबाट हाल सम्म १ लाख ९१ हजार २५६ जनाले आँखा जाँच गराएको अध्यक्ष योङकुमार श्रेष्ठले जानकारी दिए । ‘स्थापना भएको १३ बर्षको यो अवधीमा करिब २ लाख मानिसले आँखा जाँच गराएको’ भन्दै ‘सोही अवधीमा करिब ८ हजार मानिसको आँखाको अप्रेशन समेत गरीएको’ श्रेष्ठले बताए ।
०६१ सालमा लायन्स क्लबले स्थापना गरेका आँखा सेवा केन्द्रले हिमालयन आँखा अस्पताल पोखराको प्राविधीक सहयोगमा हाल सम्म ७ हजार ८८९ जनाको आँखाको सफल शल्य क्रिया सम्पन्न गरिसकेको छ ।
आँखाको सामान्य रोगले पनि जिल्ला बाहिर जानु पर्ने परिस्थितीबाट गोरर्खालीहरुले मुत्ती पाएको सेवा केन्द्रले जनाएको । सेवा केन्द्रका अनुसार सामान्य शल्यक्रिया देखी मोतियाँ बिन्दुको शल्यक्रिया सेवा केन्द्रमा नै हुदै आएको छ ।
प्रत्येक महिनाको १९ गते बिरामी जाँच, २० गते शल्य क्रिया र २१ गते पट्टी खोल्ने काम भई रहेको अध्यक्ष योङकुमार श्रेष्ठले जानकारी दिए ।
क्लबमा आँखा जाँचका लागी जिल्ला भित्रको कुनै स्थानबाट माग भएमा त्यस्ता स्थानमा आँखा शिविर पनि सञ्चालन गर्दै आएको क्लबले जनाएको छ ।